هذي
قصيدة لبنات الامارات
** لا الكويتيــة بعيونهـا تسحرني
ولا اللبنانيــة بسمارها تجذبني
ولا العمانيــة بغمزتها تضحكني
ولا القطريـه بأموالهـا تملكني
ولا السـوريـة بدلعهــا تجننـي
ولا الســعوديــه بخفتها ترضيني
ولا البحرينية بحركاتها توقفني
ولا المصرية بتصرفاتها تحرجني
ولا اليابانيـة بذكاءها تخدعني
ولا الروسيـة بشعرهـا تفرحني
ولا الصومالية بشراستها تخوفني
ولا المغربيــة بسحرهـا تقدرلي
ولا التركيــة بجمالهـا تدوبني
ولا الفلسطينيـة بصبرهـا تقنعني
ولاالامريكية بسياستها تخدعني
ولا المكسيكية بمسلسلاتها تخبلني
ولا العراقيـــة بقوتهــا تخرعني
ولا السودانيـــة ببراطمها تربطني
ولا الهنديـــة برقصهـا تأسرني
الا البنت الاماراتيه بحنانها وجمالها لو بغتني والله ملكتنــــي ......
---------------------------------------------------------------
إن بغيت الطيب فيهـا طيـب مـا مثلـه مثيـل
وإن بغيت الحسن ربي صاغها بـأروع جمـال
وإن بغيت الجود فيها الجود من عـرقٍ أصيـل
هذي ( بنت
الامارات ) بنـتٍ تضاهـا بالرجـال
ما تعرف اليأس أو قولة ( بعيد ) أو ( مستحيل )
ما تلاقـي عندهـا تعريـف للكلمـه ( محـال )
الصبوره .. القنوعه .. ترضى بالشـي القليـل
لوما أخشى من الملامـه كنـت ألبسهـا عقـال
الرقيقـه .. الحنونـه .. راعيـة بـالٍ طويـل
الكريمه .. العظيمـه .. مـا تقصّـر بالوصـال
بنت أبوها تخدمـه بعيونهـا لـو هـو عليـل
وأمها تفخر بهـا وتدعـي لهـا بولـد الحـلال
أي وربـي لبنت ام القيوين انـا مارضـى بـديـل
يا بعدهم يالرطب ياللـي كسـر سـوق الخـلال
يالجميله .. يالأصيله .. جيت لك مثـل الذليـل
يطلـب القـرب بوصالـك جننـه زود الـدلال
يالحشيمه .. يالرحيمـه .. يـا وفيـه بالخليـل
زان طبعك من جـدودك ثـم عمامـك والخـوال
من يلوم اللي غدى مـن نظـره بعينـك قتيـل
لو يحـاول أو يقـاوم ؟! مالـه بموتـه مجـال
إن حضرتي تشعلين الحفـل بالخصـر النحيـل
تبهريـن الحفـل وانتـي تصبحيـن الإحتفـال
من يشوفك غصب عنـه قلبـه المغـرم يميـل
مو بكيفه وين ما رحتـي معـاك القلـب مـال
إنتي نهرٍ مـا يجـف مـن العطـا يالسلسبيـل
وإنتي في دينا الهوى وطبع الوفـا أروع مثـال
إنتي أختي وإنتي أمـي وكـل إحسـاسٍ جميـل
وإنتي العشق الحقيقـي وزوجتـي وأم العيـال
لو ألـف الكـون كلـه مـا ألاقـي لـك قبيـل
إنتي وحدك .. لا يهمك من حكـى فيكـم وقـال
إنتي مثل النجمه اللـي تضـوي الليـل الكحيـل
وإن يطال سهيل فانتي النجمه اللي ما تطـال
----------------------------------------------
والله لوجابو جميع المزايين:::::::::::::من الخليج من اليمن وارض لبنان
والقاهره مع ليبيا ماتكفيني:::::::::::دمشق والمغرب وتونس وعمان
وبنت الجزائر والعراق وفلسطين::::::::وبنات جاكرتا مع الترك وايران
والبوسنة مع كوريا و مع بنت برلين:::::::::وبنت البرازيل وفرنسا و الالمان
وبنات واشنطن ولندن وبكين::::::::::::::::وبنت السوفيت وبنت اوروبا واليابان
وبنات حكام الدول والسلاطين:::::::::::::وايضا بنات الانس وايضا من الجان
لوجمعوهن قدم عيني ملايين:::::::::::::::لو خيروني كلهن مالهن شان
ياجعلهن فدوه لمدعوجه العين::::::::::::::::اللي خذت قلبي لهاالقلب ولهان
ياسايل عن دارمحبوبتي وين::::::::::::::::ترى وطنها موطني عزالاوطان
بنت إمــاراتــيــهـ على منهج الدين:::::::::::تلبس الحجاب وقلبها كله ايمان
هي منوتي من لابسات الفساتين::::::::::::::::مصيونه العرضين والحسن فتان
في حبهامسمع بعيدوقريبين:::::::::::::::::::ولايهم قلبي كلمه فلان وفلان
في حبها مجنون من ضمن المجانين::::::::::::::احبها احبها حيل بجنان
(mms)
